కార్తీ హీరోగా 2019లో వచ్చిన ‘ఖైదీ’ సినిమాతో దర్శకుడిగా సూపర్‌ క్రేజ్‌ తెచ్చుకున్నారు లోకేష్‌ కనగరాజ్‌. 2022లో వచ్చిన ‘విక్రమ్‌’ సినిమా సాధించిన విజయంతో ఆయన పేరు దేశ వ్యాప్తంగా మారుమోగుతోంది. ప్రస్తుతం ఆయన విజయ్‌ హీరోగా ‘లియో’ అనే సినిమాను తెరకెక్కించారు. ఈ సినిమా అక్టోబర్‌ 19న ప్రేక్షకుల ముందుకు రానుంది. విజయ్‌-లోకేష్‌ కనకరాజ్‌ కాంబినేషన్‌లో రాబోతున్న రెండో సినిమా కావటంతో లియోపై భారీ అంచనాలు ఉన్నాయి. ఈ ఇద్దరూ కలిసి గతంలో ‘మాస్టర్‌’ అనే సినిమా తీశారు.
ఈ సినిమా మంచి విజయాన్ని అందుకుంది. ఇక, లియో సినిమా లోకేష్‌ యూనివర్శ్‌లో భాగంగా తెరకెక్కినట్లు తెలుస్తోంది. లియో సినిమా తర్వాత లోకేష్‌ ఏ సినిమాకు సంతకం చేయలేదు. ప్రస్తుతం కుటుంబం కోసం టైం స్పెండ్‌ చేస్తున్నారు. ఏదైనా కార్యక్రమాలకు తనను పిలిస్తే వెళుతున్నారు. తాజాగా, ఆయన తమిళనాడులోని ఓ స్కూల్లో జరిగిన ఓ కార్యక్రమంలో పాల్గొన్నారు. కార్యక్రమం సందర్భంగా విద్యార్థులకు అవార్డులు అందజేశారు. ఈ నేపథ్యంలోనే ఓ విద్యార్థినికి లోకేష్‌ అవార్డు అందించి, ఫొటో దిగారు.
ఆ విద్యార్థిని అక్కడినుంచి వెళ్లిపోయేటప్పుడు లోకేష్‌ కాళ్లకు దండం పెట్టింది. దీంతో ఆయన టక్కున కాళ్లను పక్కకు తీసుకున్నారు. ‘ఎందుకలా చేశావ్‌?’అంటూ ఆ విద్యార్థిని చిరు అసహనాన్ని ప్రదర్శించారు. ప్రస్తుతం ఇందుకు సంబంధించిన వీడియో సోషల్‌ మీడియాలో వైరల్‌గా మారింది. ఆ వీడియో చూస్తున్న నెటిజన్లు లోకేష్‌ తీరుపై మిశ్రమంగా స్పందిస్తున్నారు. కొందరు ఆయనకు సపోర్టు చేస్తుంటే మరికొంతమంది ఆయన్ను తప్పుబడుతున్నారు. మరి, తన కాళ్లు మెక్కిన విద్యార్థినిపై లోకేష్‌ అసహనం వ్యక్తం చేయటంపై మీ అభిప్రాయాలను కామెంట్ల రూపంలో తెలియజేయండి.
மாணவி செய்த செயலால் சட்டென மாறிய லோகேஷ் கனகராஜின் முகம்..! #coimbatore #logeshkanagaraj #students #leo pic.twitter.com/1oxITTfS3O
— Polimer News (@polimernews) July 20, 2023
