సూపర్‌ స్టార్‌ మహేష్‌ బాబు, మాటల మాంత్రికుడు త్రివిక్రమ్‌ శ్రీనివాస్‌ కాంబోలో ‘గుంటూరు కారం’ అనే సినిమా తెరకెక్కుతోన్న సంగతి తెలిసిందే. ఈ సినిమాలో మీనాక్షి చౌదరి, శ్రీలల నటిస్తున్నారు. ఈ సినిమాకు నాగవంశీ నిర్మాత వ్యవహరిస్తున్నారు. ఈ సినిమా షూటింగ్‌ శరావేగంగా సాగుతోంది. ఇక, అసలు విషయానికి వస్తే.. మహేష్‌ బాబు ఆదివారం హైదరాబాద్‌లో జరిగిన ఓ ప్రైవేట్‌ ఈవెంట్‌లో పాల్గొన్నారు. ఈ సందర్భంగా మీడియా మిత్రులు అడిగిన ప్రశ్నలకు సమాధానాలు చెప్పారు.
సినిమాతో పాటు తన వ్యక్తిగత జీవితానికి సంబంధించిన పలు విషయాలను మీడియాకు వెల్లడించారు. ఈ నేపథ్యంలోనే ఓ జర్నలిస్ట్‌.. ‘మీరు ఎంత సేపు ఫోన్‌ను వాడుతున్నారు. ఎన్ని గంటలు వాడుతున్నారు?’ అని అడగ్గా.. ‘‘ మీ అందరిలాగే నేను కూడా ఫోన్‌ను ఎక్కువ సేపు వాడుతున్నాను. తలకాయ నొప్పి వచ్చి ఆపేయటానికి కూడా చూస్తున్నా ఇప్పుడు’’ అని అ‍న్నారు. తర్వాత ఓ లేడీ అభిమాని ఆయన్ని ‘‘ మీ ఫోన్‌ రింగ్‌టోన్‌ ఏంటి?’ అని ప్రశ్నించిది. ఇందుకు మహేష్‌ బాబు సమాధానం ఇస్తూ.. ‘‘ అంది సైలెంట్‌లోనే ఉంటది’ అంటూ ఠక్కున సమాధానం ఇచ్చారు.
అంతేకాదు! గుంటూరు కారం సినిమా గురించి మీడియా అడిగిన ప్రశ్నలకు కూడా ఆయన సమాధానం ఇచ్చారు. సినిమా విడుదలకు సంబంధించి క్లారిటీ ఇచ్చారు. 2024 జనవరి 12న కచ్చితంగా థియేటర్లలోకి వస్తామన్నారు. కాగా, హీరోయిన్‌, మ్యూజిక్‌ డైరెక్టర్‌తో పాటు మరికొంత మంది సినిమానుంచి వైదొలుగుతుండటంతో.. సినిమా విడుదలపై సందిగ్ధత నెలకొంది. అందుకే.. మీడియా ఈ ప్రశ్న వేసింది. దానిపై మహేష్‌ బాబు క్లారిటీ ఇచ్చారు. మరి, గుంటూరు కారం సినిమా విడుదలపై మహేష్‌ క్లారిటీ ఇవ్వటంపై మీ అభిప్రాయాలను కామెంట్ల రూపంలో తెలియజేయండి.
.@urstrulyMahesh comedy timing 😂#MaheshBabu #GunturKaaram #iDreamMedia pic.twitter.com/1imWyXC6JF
— iDream Media (@iDreamMedia) August 20, 2023
