Sridevi Vijaykumar About Prabhas: సినీ ఇండస్ట్రీలో కొన్ని పెయిర్స్ ఎప్పటికీ గుర్తుండిపోతాయి. స్క్రీన్ మీద వాళ్లు చేసిన మ్యాజిక్ను ఆడియెన్స్, ఫ్యాన్స్ అంత ఈజీగా మర్చిపోలేరు. అంతలా అభిమానుల గుండెల్లో ముద్ర వేసిన జంటల్లో ఒకటి ప్రభాస్-శ్రీదేవి విజయ్కుమార్ది.
Sridevi Vijaykumar About Prabhas: సినీ ఇండస్ట్రీలో కొన్ని పెయిర్స్ ఎప్పటికీ గుర్తుండిపోతాయి. స్క్రీన్ మీద వాళ్లు చేసిన మ్యాజిక్ను ఆడియెన్స్, ఫ్యాన్స్ అంత ఈజీగా మర్చిపోలేరు. అంతలా అభిమానుల గుండెల్లో ముద్ర వేసిన జంటల్లో ఒకటి ప్రభాస్-శ్రీదేవి విజయ్కుమార్ది.
సినీ ఇండస్ట్రీలో కొన్ని పెయిర్స్ ఎప్పటికీ గుర్తుండిపోతాయి. స్క్రీన్ మీద వాళ్లు చేసిన మ్యాజిక్ను ఆడియెన్స్, ఫ్యాన్స్ అంత ఈజీగా మర్చిపోలేరు. అంతలా అభిమానుల గుండెల్లో ముద్ర వేసిన జంటల్లో ఒకటి ప్రభాస్-శ్రీదేవి విజయ్కుమార్ది. వీళ్లిద్దరూ కలసి నటించిన సినిమా ‘ఈశ్వర్’. 22 ఏళ్ల కింద రిలీజైన ఈ సినిమా ప్రభాస్కు డెబ్యూ మూవీ కావడం విశేషం. ‘ఈశ్వర్’ హిట్ అవడంతో హీరోగా నిలదొక్కుకున్న ప్రభాస్ బ్యాక్ టు బ్యాక్ హిట్స్ సాధిస్తూ స్టార్ హీరో అయిపోయాడు. ‘బాహుబలి’ సిరీస్తో పాన్ ఇండియా స్టార్గా ఎదిగాడు. ‘ఈశ్వర్’తో క్యూట్ పెయిర్గా పేరు తెచ్చుకున్న ప్రభాస్-శ్రీదేవి విజయ్కుమార్ మళ్లీ ఇంకో సినిమాలో కలసి నటించలేదు. ఈ మూవీ తర్వాత ఇండస్ట్రీకి దూరమైన శ్రీదేవి ఇప్పుడు కమ్బ్యాక్ ఇస్తున్నారు. ‘సుందరకాండ’ చిత్రంతో తిరిగి ప్రేక్షకులను పలకరిచేందుకు సిద్ధమయ్యారు. ఈ సందర్భంగా ఆమె ప్రభాస్ గురించి స్వీట్ కామెంట్స్ చేశారు.
ప్రభాస్ నిజమైన డార్లింగ్ అని చెప్పిన శ్రీదేవి విజయ్ కుమార్.. ఫస్ట్ ఫిల్మ్ నుంచి ఆయన్ను అందరూ అలాగే పిలుస్తారని అన్నారు. ‘ఈశ్వర్’ సినిమా టైమ్లో ఎలా ఉన్నారో ఆయన ఇప్పుడు కూడా అలాగే ఉన్నారని చెప్పారు. ఇన్నేళ్లలో ప్రభాస్ కొంచెం కూడా మారలేదన్నారు. ఆయన విషయంలో సంతోషంగా ఉందన్నారు. ప్రభాస్తో మళ్లీ నటిస్తే చాలా బాగుంటుందని శ్రీదేవి మనసులోని కోరికను బయటపెట్టారు. ఆయన పక్కన అవకాశం వస్తే తప్పకుండా నటిస్తానని పేర్కొన్నారు. క్యారెక్టర్ కంటే ఆ సినిమా బాగుండాలనే దానికి అధిక ప్రాధాన్యత ఇస్తానన్నారు. తాము కలసి నటించిన ‘ఈశ్వర్’ రీరిలీజ్ కోసం ఆతృతగా ఎదురు చూస్తున్నానని వ్యాఖ్యానించారు శ్రీదేవి.
ప్రభాస్ బర్త్ డే అక్టోబర్ 23. ఆ రోజున ‘ఈశ్వర్’తో పాటు ఆయన నటించిన మరో హిట్ ఫిల్మ్ ‘డార్లింగ్’ను కూడా రీరిలీజ్ చేసేందుకు ఏర్పాట్లు జరుగుతున్నాయి. ఈ నేపథ్యంలోనే శ్రీదేవి పైవిధంగా కామెంట్ చేశారు. ‘ఈశ్వర్’ను మళ్లీ తెర మీద చూసి ఎంజాయ్ చేసేందుకు వెయిట్ చేస్తున్నానని అన్నారు. ఇక, ‘సుందరకాండ’ మూవీతో రీఎంట్రీకి రెడీ అయిపోయారు శ్రీదేవి. నారా రోహిత్ హీరోగా వెంకటేశ్ నిమ్మలపూడి డైరెక్షన్లో రూపొందిన ఈ ఫిల్మ్ సెప్టెంబర్ 6వ తేదీన రిలీజ్ కానుంది. ఈ మూవీ టీజర్ లాంఛ్ ఈవెంట్లో పాల్గొన్న శ్రీదేవి ‘సుందరకాండ’ మూవీ విశేషాలతో పాటు కమ్బ్యాక్ గురించి స్పందించారు. అలాగే ప్రభాస్తో మళ్లీ నటిస్తారా అనే ప్రశ్నకు పైవిధంగా రియాక్ట్ అయ్యారు. మరి.. ప్రభాస్-శ్రీదేవి విజయ్ కుమార్ మళ్లీ కలిసి నటిస్తే ఎలా ఉంటుందో కామెంట్ చేయండి.
