జాక్ పాట్ కొట్టిన ప్రేమలు బ్యూటీ.. ఏకంగా ఆ స్టార్ హీరో తో !

తమిళ హీరో విజయ్ దళపతి గురించి తెలుగునాట ప్రత్యేకమైన పరిచయం అవసరం. తెలుగులో కూడా విజయ్ కు మంచి ఫ్యాన్ ఫాలోయింగ్ ఉంది. ఇప్పటివరకు ఎన్నో హిట్ సినిమాలను ఇండస్ట్రీకి అందించిన విజయ్. త్వరలో రాజకీయాల్లోకి ఎంట్రీ ఇవ్వబోతున్న సంగతి తెలిసిందే. ఈ క్రమంలో విజయ్ రాజకీయాల్లోకి అడుగు పెట్టె ముందు.. ఇప్పుడు నటిస్తున్న గ్రేటెస్ట్ ఆఫ్ ఆల్ ది టైం చిత్రం కాకుండా.. దళపతి 69 అంటూ మరొక ఇంట్రెస్టింగ్ మూవీ కూడా రానుంది. తాజాగా ఈ సినిమాకు సంబంధించి ఓ ఇంట్రెస్టింగ్ అప్ డేట్ వచ్చేసింది. దానికి సంబంధించిన విషయాలు ఇలా ఉన్నాయి.

దళపతి 69 అనే వర్కింగ్ టైటిల్ తో వస్తున్న ఈ మూవీపై భారీ అంచనాలు నెలకొన్నాయి. ఎందుకంటే విజయ్ దళపతి మొదటి సారి దర్శకుడు హెచ్. వినోద్ డైరెక్షన్ లో ఈ ప్రాజెక్ట్ చేయనున్నారు. ఈ మూవీ పొలిటికల్ యాక్షన్ థ్రిల్లర్ జోనర్ లో ఉండనున్నట్లు సమాచారం. ప్రస్తుతం విజయ్ నటిస్తున్న గ్రేటెస్ట్ ఆఫ్ ఆల్ ది టైం చిత్రం.. సెప్టెంబర్ 5 న థియేటర్స్ లో విడుదల చేయనున్నారు. ఇక ఈ మూవీ రిలీజ్ తర్వాత.. దళపతి 69 అనే వర్కింగ్ టైటిల్ తో ఉన్న ఈ మూవీ గురించి.. అధికారికంగా ప్రకటించే అవకాశం ఉంది. ఇక ప్రస్తుతం ఈ మూవీ కి సంబంధించి వినిపిస్తున్న వార్త ఏంటంటే.. ఈసారి విజయ్ దళపతి మూవీలో.. ప్రేమలు మూవీతో అందరిని కట్టిపడేసిని మమిత బైజు.. ప్రధాన పాత్రలో నటించనుందట. ఈ మలయాళ భామ కూడా దీనికి గ్రీన్ సిగ్నల్ ఇచ్చినట్లు సమాచారం. ఒకవేళ అదే కనుక నిజమైతే ఈ అమ్మడు జాక్ పాట్ కొట్టినట్లే. ఈ మూవీకి సంబంధించి మరిన్ని అప్ డేట్స్ త్వరలోనే అధికారికంగా ప్రకటించనున్నారు మేకర్స్.

ప్రేమలు సినిమా కంటే ముందే ఎన్నో సినిమాలలో నటించినా కానీ.. ప్రేమలు తర్వాత మాత్రమే మమిత క్రేజ్ ఒక్కసారిగా పెరిగిపోయింది. మళయాళంతో పాటు తెలుగులో కూడా ఈ అమ్మడు కుర్రాళ్ళ క్రష్ లిస్ట్ లో యాడ్ అయిపొయింది. దీనితో ఈ అమ్మడికి వరుస ఆఫర్లు క్యూ కడుతున్నాయి. అంతే కాకుండా ఈ సినిమాలో మలయాళ సూపర్ స్టార్ మోహన్ లాల్ కూడా కీ రోల్ లో నటించబోతున్నట్లు సమాచారం. కాగా దళపతి 69 సినిమాకు హెచ్ వినోద్ దర్శకత్వం వహిస్తుండగా.. కన్నడ బ్యానర్ కెవిఎన్ ప్రొడక్షన్స్ ఈ సినిమాను నిర్మిస్తుంది. ఇక ఈ సినిమాకు సంబంధించి మరిన్ని అప్ డేట్స్ ఇంకా రావాల్సి ఉంది. మరి ఈ విషయంపై మీ అభిప్రాయాలను కామెంట్స్ రూపంలో తెలియజేయండి.