సమాజంలో ఎన్ని సంఘటనలు జరుగుతున్నా.. రోజురోజుకి సంఖ్య పెరుగుతూ పోతోంది తప్ప తగ్గడం లేదు. ఇలాంటి అమానుష సంఘటనలు సాధారణ జనాలకు మాత్రమే కాదు.. సినీ సెలబ్రిటీల విషయంలోను జరుగుతున్నాయి. ఇటీవల ఓ యువనటికి సినిమా అవకాశం ఇప్పిస్తానని చెప్పి.. నమ్మి వెళితే స్వయంగా స్నేహితుడే ఆమెపై అత్యాచారానికి పాల్పడ్డాడు. ఈ షాకింగ్ ఘటన.. గురుగ్రామ్ లో చోటుచేసుకుంది. ఇంటర్వ్యూ పేరుతో 24 ఏళ్ళ యువనటిని ఓ హోటల్ కి పిలిచి.. ఇంటర్వ్యూ అనంతరం ఆమెపై అత్యాచారానికి పాల్పడి పైగా ఈ విషయం బయటికి చెబితే.. ఆమెకు సంబంధించిన వీడియోస్, ప్రైవేట్ ఫోటోలు ఆన్ లైన్ లో లీక్ చేస్తామని బెదిరించాడు ఆ దుర్మార్గుడు.
ఇంతకీ ఏం జరిగిందనే వివరాల్లోకి వెళ్తే.. సోషల్ మీడియా ఇన్ స్టాగ్రామ్ లో ఆ యువనటికి భారీ ఫ్యాన్ ఫాలోయింగ్ ఉంది. రెగ్యులర్ గా పోస్టులు పెడుతూ.. యాక్టీవ్ గా ఉంటోంది. ఈ క్రమంలో ఆ యువతికి ఇన్ స్టాగ్రామ్ లోనే మహేష్ పాండే అనే వ్యక్తి పరిచయం అయ్యాడు. అతను రెగ్యులర్ గా ఆమెతో టచ్ లో ఉంటూ పరిచయస్తుడు కాస్త స్నేహితుడుగా మారాడు. కొద్దిరోజులకు ఆ యువనటికి భోజ్ పురి సినిమాలలో అవకాశం ఇప్పిస్తానని మాయమాటలు చెప్పి నమ్మించాడు. అలా జూన్ 29న గురుగ్రామ్ లో ఇంటర్వ్యూ ఉందని.. ఓ హోటల్ కి ఆమెను రమ్మన్నాడు. సరే స్నేహితుడు కదా.. నిజమే అనుకోని ఆ యువనటి ఆ హోటల్ కి వెళ్ళింది.
కట్ చేస్తే.. ఆ యువనటి స్నేహితుడు మహేష్ పాండే చేతిలోనే అత్యాచారానికి గురైంది. దీంతో ఆమె వెంటనే పోలీసులను ఆశ్రయించింది. ఇక పోలీసులకు ఇచ్చిన ఫిర్యాదులో ఇలా పేర్కొంది. మహేష్ పాండే ముందే హోటల్ లో ఇంటర్వ్యూ అని చెప్పి ఓ రూమ్ బుక్ చేశాడు. ఇంటర్వ్యూ తర్వాత అతను మద్యం తీసుకోవడం స్టార్ట్ చేశాడు. ఆ టైమ్ లో నేను వెళ్ళిపోదామని బయలు దేరుతున్నాను. అప్పుడే నన్ను అతను బలవంతంగా అడ్డుకొని.. నాపై లైంగిక దాడి చేశాడు. అంతేగాక ఈ విషయం బయటికి వస్తే.. చంపుతానని, నా ప్రైవేట్ వీడియోని ఆన్ లైన్ లో పెడతానని బెదిరించినట్లు ఆమె ఆవేదన వ్యక్తం చేసింది. ప్రస్తుతం ఈ ఘటనపై విచారణ చేస్తున్న పోలీసులు.. గురుగ్రామ్ పరిధిలోని చరక్ పూర్ లో నివసించే మహేష్ పాండేపై కేసు నమోదు చేశారు.
