టీ20 వరల్డ్ కప్ టీమ్ను భారత క్రికెట్ బోర్డు అనౌన్స్ చేసింది. అయితే ఈసారి జట్టులో అదిరిపోయే ఓ కాంబినేషన్ను సెట్ చేసింది. ఆ కాంబో క్లిక్ అయితే అన్ని టీమ్స్కూ వణుకు పుట్టాల్సిందే.
టీ20 వరల్డ్ కప్ టీమ్ను భారత క్రికెట్ బోర్డు అనౌన్స్ చేసింది. అయితే ఈసారి జట్టులో అదిరిపోయే ఓ కాంబినేషన్ను సెట్ చేసింది. ఆ కాంబో క్లిక్ అయితే అన్ని టీమ్స్కూ వణుకు పుట్టాల్సిందే.
టీ20 వరల్డ్ కప్ టీమ్ అనౌన్స్మెంట్ గురించి గత కొన్ని రోజులుగా మీడియాలో చాలా వార్తలు వస్తున్నాయి. ఆ ప్లేయర్కు జట్టులో చోటు లేదట, ఈ క్రికెటర్ టీమ్లోకి ఎంట్రీ ఇస్తున్నాడట అంటూ ఏవేవో వార్తలు వస్తూనే ఉన్నాయి. సోషల్ మీడియాతో పాటు బయట కూడా క్రికెట్ ఫ్యాన్స్ భారత ప్రపంచ కప్ జట్టు ఎంపిక గురించి భారీగా డిస్కస్ చేస్తూ వచ్చారు. అయితే మొత్తానికి ఇవాళ టీమ్ను అధికారికంగా ప్రకటంచింది భారత క్రికెట్ బోర్డు. అజిత్ అగార్కర్ నేతృత్వంలోని సెలెక్టర్ల బృందం 15 మంది సభ్యులతో కూడిన వరల్డ్ కప్ స్క్వాడ్ను అనౌన్స్ చేసింది. అయితే ఇందులో ఓ కాంబినేషన్ను సెట్ చేసిన విధానం హైలైట్ అనే చెప్పాలి.
వన్డే వరల్డ్ కప్-2023 తృటిలో మిస్సవడంతో భారత క్రికెట్ ఫ్యాన్స్ హార్ట్స్ ఒక్కసారిగా బ్రేక్ అయ్యాయి. దీంతో టీ20 ప్రపంచ కప్ అయినా టీమిండియా నెగ్గాలని అంతా కోరుకుంటున్నారు. ఈ తరుణంలో పొట్టి కప్పుకు గట్టిగా ప్లాన్ చేసిన బీసీసీఐ.. ఓ అదిరిపోయే కాంబినేషన్ను సెట్ చేసింది. వాళ్లిద్దరూ కలసి బరిలోకి దిగితే ఇక ఎంతటి ప్రత్యర్థికైనా వెన్నులో వణుకు పుట్టాల్సిందే. వాళ్లిద్దరి బౌలింగ్కు మహా మహా బ్యాటర్లు కూడా తలొగ్గాల్సిందే. ఆ కాంబినేషన్ పేరే ‘కుల్చా’. కుల్దీప్ యాదవ్, యుజ్వేంద్ర చాహల్ పేర్లను కలిపి పెట్టిందే ఇది. టీ20 వరల్డ్ కప్ కోసం ఈ తోపు స్పిన్నర్లను టీమ్లోకి తీసుకుంది బీసీసీఐ.
గాయం తర్వాత కమ్బ్యాక్లో అదరగొడుతున్న కుల్దీప్.. గతేడాది భారత్ ఆతిథ్యం ఇచ్చిన వన్డే ప్రపంచ కప్లోనూ దుమ్మురేపాడు. ఆ తర్వాత సౌతాఫ్రికా టూర్, ఆఫ్ఘానిస్థాన్ సిరీస్, ఇంగ్లండ్ సిరీస్ల్లోనూ భారత జట్టు విజయాల్లో కీలకపాత్ర పోషించాడు. ఐపీఎల్లోనూ అతడు సూపర్ ఫామ్లో ఉన్నాడు. అలాంటోడికి జతగా ఇప్పుడు సీనియర్ స్పిన్నర్ చాహల్ను జట్టులోకి తీసుకున్నారు. ఎంతో ఎక్స్పీరియెన్స్ కలిగిన చాహల్ ఏ పిచ్, ఏ టీమ్తో ఆడుతున్నామనే దాన్ని బట్టి తన టాక్టిక్స్ను మార్చుకొని బ్యాటర్లను బోల్తా కొట్టిస్తుంటాడు. ఈ ఐపీఎల్లో 13 వికెట్లతో పర్పుల్ క్యాప్ రేసులో దూసుకుపోతున్నాడు. అలాంటి కుల్దీప్-చాహల్ ఇద్దరూ కలిస్తే ప్రత్యర్థులకు వణుకు పుట్టాల్సిందే. వికెట్లు తీయడంతో పాటు పరుగులు కట్టడి చేయడంలోనూ వీళ్లిద్దరూ ఎక్స్పర్ట్స్. అందుకే వరల్డ్ కప్ కోసం తిరిగి ఈ జోడీనే నమ్ముకుంది బోర్డు. ఒకవేళ వీళ్లిద్దరూ గనుక క్లిక్ అయితే మాత్రం టీ20 కప్పు మనదేనని అభిమానులు అంటున్నారు.
🇮🇳 fans, what do you make of this duo’s return? 🤝
KulCha have been named in India’s tournament squad together for the first time since #CWC19 👉 https://t.co/dhM0L2O4ph #T20WorldCup pic.twitter.com/33SuBbGYVC
— ESPNcricinfo (@ESPNcricinfo) April 30, 2024
