కోల్కతా నైట్ రైడర్స్ టీమ్కు గుడ్ న్యూస్. లక్నోపై ఘన విజయంతో ఫుల్ జోష్లో ఉన్న కేకేఆర్.. ప్లేఆఫ్స్కు ముందు ఏం అనుకుందో అది సాధించింది.
కోల్కతా నైట్ రైడర్స్ టీమ్కు గుడ్ న్యూస్. లక్నోపై ఘన విజయంతో ఫుల్ జోష్లో ఉన్న కేకేఆర్.. ప్లేఆఫ్స్కు ముందు ఏం అనుకుందో అది సాధించింది.
ఈ ఐపీఎల్లో కోల్కతా నైట్ రైడర్స్ జోరును ఆపడం ఎవరి వల్లా కావడం లేదు. ఆ టీమ్, ఈ టీమ్ అనే తేడాల్లేకుండా ఎదురొచ్చిన ప్రతి జట్టును ఓడిస్తూ దూసుకుపోతోంది అయ్యర్ సేన. ముంబై ఇండియన్స్, లక్నో సూపర్ జియాంట్స్, రాయల్ ఛాలెంజర్స్ బెంగళూరు, ఢిల్లీ క్యాపిటల్స్ లాంటి స్ట్రాంగ్ టీమ్స్ను వాళ్ల హోమ్ గ్రౌండ్స్లో చిత్తు చేసింది కేకేఆర్. ఈసారి అన్ని జట్ల కంటే కూడా ఐపీఎల్లో మోస్ట్ డామినెంట్ టీమ్గా కోల్కతా నిలిచింది. నిన్న లక్నో జట్టును వాళ్ల సొంతగడ్డ మీద 98 పరుగుల భారీ తేడాతో ఓడించింది కోల్కతా. ఈ గెలుపుతో పాయింట్స్ టేబుల్లో టాప్ పొజిషన్కు చేరుకుంది. ఈ తరుణంలో ఆ టీమ్కు ఓ గుడ్ న్యూస్.
ప్లేఆఫ్స్కు ముందు తాను అనుకున్నది సాధించింది కేకేఆర్. ఆ టీమ్ విజయాల్లో కీలకంగా మారాడు ఓపెనర్ ఫిల్ సాల్ట్. ఇప్పటిదాకా ఆడిన 11 మ్యాచుల్లో కలిపి 429 పరుగులు చేశాడు. ఆరెంజ్ క్యాప్ లిస్ట్లో ఐదో స్థానంలో ఉన్న సాల్ట్.. బ్యాటింగ్ స్ట్రైక్ రేట్ 183గా ఉంది. దీన్ని బట్టే అతడి బ్యాటింగ్ ఎంత విధ్వంసకరంగా సాగుతోందో అర్థం చేసుకోవచ్చు. మరో ఓపెనర్ సునీల్ నరైన్తో కలసి పవర్ప్లేలో భారీగా పరుగులు చేస్తున్నాడు సాల్ట్. అదిరిపోయే స్టార్ట్స్ అందిస్తూ కేకేఆర్ విజయాల్లో కీలకపాత్ర పోషిస్తున్నాడు. అలాంటోడు ప్లేఆఫ్స్కు దూరమవుతాడని అంతా భావించారు. దీనికి కారణం స్వదేశంలో పాకిస్థాన్తో టీ20 సిరీస్కు అతడు సెలెక్ట్ అవడమే. అయితే అతడి విషయంలో కేకేఆర్ పంతం నెగ్గించుకుంది.
వచ్చే నెల మొదటి తేదీ నుంచి టీ20 వరల్డ్ కప్ మొదలవనున్న సంగతి తెలిసిందే. దీంతో అన్ని దేశాలు ఇప్పటికే తమ ప్రపంచ కప్ స్క్వాడ్స్ను కూడా అనౌన్స్ చేశాయి. ఇంగ్లండ్ కూడా తమ టీమ్ను ప్రకటించింది. అదే సమయంలో ఐపీఎల్లో ఆడుతున్న తమ ప్లేయర్లను స్వదేశానికి తిరిగి రావాలని ఆదేశించింది. పొట్టి కప్కు ముందు పాక్తో టీ20 సిరీస్ ఉండటంతో ఆటగాళ్లను రప్పించడంపై ఫోకస్ చేస్తోంది. అయితే ఐపీఎల్ ఫ్రాంచైజీలు మాత్రం ఇంగ్లండ్ ప్లేయర్లు ఎలాగైనా టోర్నీలో కంటిన్యూ అయ్యేలా చూడాలంటూ బీసీసీఐ మీద ప్రెజర్ తీసుకొచ్చాయి. ఇంగ్లీష్ బ్యాటర్ ఫిల్ సాల్ట్ తమ టీమ్లో ముఖ్యం కావడంతో కేకేఆర్ కూడా బోర్డుపై ఒత్తిడి పెట్టింది. ఇది వర్కౌట్ అయిందని తెలుస్తోంది. పాక్తో తొలి రెండు టీ20లకు ఐపీఎల్ ప్లేయర్లు అందుబాటులో ఉండరని, అందుకు ఒప్పుకోవాలంటూ ఇంగ్లండ్ క్రికెట్ బోర్డుతో బీసీసీఐ చర్చలు సాగిస్తోందని సమాచారం. ఇక, ఐపీఎల్లో సాల్ట్తో పాటు జాస్ బట్లర్ (రాజస్థాన్ రాయల్స్), మొయిన్ అలీ (చెన్నై సూపర్ కింగ్స్), విల్ జాక్స్, రీస్ టోప్లే (ఆర్సీబీ), లివింగ్స్టన్, సామ్ కర్రన్, బెయిర్స్టో (పంజాబ్ కింగ్స్) కూడా ఆడుతున్నారు.
🚨| Phil Salt may skip the first two T20Is against Pakistan and be available for the IPL playoffs. Discussions are ongoing between ECB and BCCI.#KKR | #PhilSalt pic.twitter.com/ynxrdkxiAc
— KKR Karavan (@KkrKaravan) May 6, 2024
