లక్నో సూపర్ జియాంట్స్ కెప్టెన్ కేఎల్ రాహుల్ ఇంట్రెస్టింగ్ కామెంట్స్ చేశాడు. ఆ అవమానాన్ని ఇంకా మర్చిపోలేకపోతున్నానని అన్నాడు. ఏం చేయాలో తనకు బాగా తెలుసునని చెప్పాడు.
లక్నో సూపర్ జియాంట్స్ కెప్టెన్ కేఎల్ రాహుల్ ఇంట్రెస్టింగ్ కామెంట్స్ చేశాడు. ఆ అవమానాన్ని ఇంకా మర్చిపోలేకపోతున్నానని అన్నాడు. ఏం చేయాలో తనకు బాగా తెలుసునని చెప్పాడు.
ఐపీఎల్-2024లో లక్నో సూపర్ జియాంట్స్ తన మార్క్ను చూపించలేకపోయింది. మంచి అంచనాలతో బరిలోకి దిగిన రాహుల్ సేన.. వాటిని నిలబెట్టుకోవడంలో ఫెయిలైంది. టోర్నీ ఫస్టాఫ్లోనే వరుస విజయాలతో అలరించిన లక్నో.. సెకండాఫ్లో అనుకున్నంత బాగా ఆడలేకపోయింది. వరుస పరాజయాలతో ప్లేఆఫ్స్ రేసు నుంచి తప్పుకుంది. గాయం తర్వాత కమ్బ్యాక్ ఇచ్చిన కెప్టెన్ కేఎల్ రాహుల్ బ్యాట్తో రఫ్ఫాడించాడు. 13 మ్యాచుల్లో 465 పరుగులతో సత్తా చాటాడు. బ్యాటర్గా పరుగుల వరద పారిస్తూనే కెప్టెన్గానూ టీమ్ గెలుపు కోసం వంద శాతం కష్టపడ్డాడు. అయినా మిగిలిన ఆటగాళ్ల వైఫల్యం జట్టును దెబ్బతీసింది. ఈ తరుణంలో ఎల్ఎస్జీ సారథి ఇంట్రెస్టింగ్ కామెంట్స్ చేశాడు.
ఆ అవమానాన్ని ఇంకా మర్చిపోలేదన్నాడు రాహుల్. ఓ కార్యక్రమంలో మాట్లాడుతూ తన కెరీర్ తొలినాళ్లను గుర్తుచేసుకున్నాడు. అప్పట్లో తాను ఎదుర్కొన్న ఇబ్బందుల గురించి షేర్ చేశాడు. తనను అందరూ టెస్ట్ బ్యాటర్గానే చూసేవారన్నాడు. టీ20లు, వన్డేల్లో ఆడటం తన వల్ల కాదంటూ అవమానించారని తెలిపాడు. అయితే దీని నుంచి బయటపడేందుకు ఏం చేయాలో తనకు తెలుసునని.. అదే చేసి ఇప్పుడీ స్టేజ్లో ఉన్నానని పేర్కొన్నాడు. ‘కెరీర్ మొదట్లో నేను సిక్స్ కొడితే నేనే ఆశ్చర్యపోయేవాడ్ని. ఎందుకంటే నేను టీ20లు, వన్డేల్లో అంత గొప్పగా ఆడలేదు. దీంతో టెస్ట్ మ్యాచ్ ప్లేయర్నని నాపై ముద్ర వేశారు. వన్డేలు, టీ20లు ఆడటం నాకు చేతకాదని అవమానించారు. ఆ రెండు ఫార్మాట్లలో ఆడేంత స్కిల్స్, టెక్నిక్స్ నాకు తెలియవని విమర్శించారు’ అని రాహుల్ చెప్పుకొచ్చాడు.
వన్డేలు, టీ20లకు తగ్గట్లు తన బ్యాటింగ్ స్టైల్ను మార్చుకునేందుకు, ఎక్కువ సమయం పట్టిందన్నాడు రాహుల్. ఐపీఎల్-2016లో రాయల్ ఛాలెంజర్స్ బెంగళూరు తరఫున బాగా ఆడటంతో తన గురించి అందరూ అభిప్రాయాలు మార్చుకోవడం మొదలైందన్నాడు. అప్పటి నుంచి తనను అన్ని ఫార్మాట్లలోనూ ఆడే సత్తా ఉన్న ప్లేయర్గా చూడటం స్టార్ట్ అయిందన్నాడు రాహుల్. ఏళ్ల పాటు ఎంతో క్రమశిక్షణతో కష్టపడటం వల్లే తాను సక్సెస్ అయ్యానని పేర్కొన్నాడు. విమర్శించే వాళ్ల అభిప్రాయాలను మార్చాలంటే ఒక్క రోజులో కుదరదని.. అందుకు టైమ్ పడుతుందన్నాడు. ఏళ్ల పాటు తాను పడిన శ్రమ వల్లే ఈ రేంజ్లో ఉన్నానని వివరించాడు. మరి.. ఈ ఐపీఎల్లో రాహుల్ పెర్ఫార్మెన్స్ మీకెలా అనిపించిందో కామెంట్ చేయండి.
