కొన్ని బిరుదులు కొందరికి విలువను తెచ్చిపెడితే.. కొందరు ఆ బిరుదులకే వన్నె తెచ్చిపెడతారు.
అలాంటి వారిలో మెగాస్టార్ చిరంజీవి ఒకరు
చిరుని పద్మవిభూషణ్ వరించిందనడం తప్పేమో.. పద్మవిభూషణ్ ని చిరంజీవే వరించారు.
అవకాశాలతో పాటు వచ్చే అవమానాలను ఎదుర్కుంటూ.. ఒక్కో మెట్టు ఎక్కుతూ ఇవాళ ఈ స్థాయికి వచ్చారు.
ఎంత ఎత్తుకు ఎదిగిన ఒదిగి ఉండడం, క్రమశిక్షణ, కష్టపడేతత్వం.. ఇవన్నీ ఆయనకు ఈ స్థాయిని కట్టబెట్టాయి.
24 క్రాఫ్ట్స్ లో పనిచేసే వారిలో ఖచ్చితంగా చిరు అభిమానులు ఉంటారు.
ఆయనను నటుడిగానే కాకుండా వ్యక్తిగతంగా ఆరాధించేవారూ ఉన్నారు.
సినిమాలో ఎంత ఇన్వాల్వ్ అయ్యి జీవిస్తారో.. సమాజం పట్ల కూడా అంతే ఇన్వాల్వ్ అయ్యి జీవిస్తారు.
ఆ ఇన్వాల్వ్ మెంట్ నుంచి వచ్చినవే బ్లడ్ బ్యాంక్, ఐ బ్యాంక్ వంటి సేవా సంస్థలు.
కరోనా సమయంలో సినీ కార్మికులు అల్లాడిపోతుంటే.. నేనున్నా అంటూ ముందుకొచ్చారు.
ఎవరు ఎన్ని అన్నా నవ్వుతూ ఉండడం.. శత్రువుని సైతం ప్రేమించడం.. భోళాతనం, అణకువ, అంకితభావం, కష్టపడేతత్వం.. ఇవి కదా శివశంకర్ వరప్రసాద్ ని మెగాస్టార్ చిరంజీవిని చేశాయి.
మనకి తెలిసినవి గోరంత.. చిరు గురించి తెలియనవి ఇంకా ఎన్నో ఉన్నాయి. ఉంటాయి.
ఆయన జీవన పరిభ్రమణంలో గుప్తదానాలు, గురితప్పని వాగ్దానాలు కోకొల్లలు.
అందుకే ఈరోజున మెగాస్టార్ చిరంజీవికి పద్మవిభూషణ్ అనే బిరుదు వరించింది.
నిజానికి పద్మవిభూషణ్ ఆయనను వరించడం కాదు.. ఆయనే పద్మవిభూషణ్ ని వరించారేమో అనాలి. ఇది తెలుగువారు గర్వించాల్సిన విషయం.