అతన్ని నమ్మడమే ఆమె చేసిన పాపం! దారుణంగా!

వేదమంత్రాల సాక్షింగా.. మూడు ముళ్ల బంధంతో ఒక్కటైన జంటను పెద్దలు నిండు నూరేళ్లు చల్లగా ఉండాలని దీవిస్తుంటారు. కానీ పెళ్లైన కొంతకాలానికే భార్యాభర్తల మధ్య చిన్న చిన్న విషయాలకు అభిప్రాయభేదాలు రావడంతో కోర్టుకు వెళ్లి విడాకులు తీసుకుంటున్నారు. ఇటీవల కొంతమంది చిన్న విషయానికే మనస్థాపానికి గురై ఎదుటి వారిపై దాడులు చేస్తున్నారు..కొన్నిసార్లు హత్యలకు తెగబడుతున్నారు.  కొంతమంది భర్తలు మద్యానికి బానిసై డబ్బు కోసం భార్యలను ఇబ్బందులకు గురి చేస్తుంటారు.. కొన్నిసార్లు మద్యం మత్తులో దాడులు చేయడం, హత్యలు సైతం చేస్తుంటారు. అలాంటి ఘటన తమిళనాడులోని దిండిగల్ లో జరిగింది. వివరాల్లోకి వెళితే..

కదులుతున్న బస్సు నుంచి గర్భిణిని తోసివేయడంతో తీవ్రంగా గాయపడి చిపోయింది. ఈ దారుణ ఘటన తమిళనాడులోని దిండిగల్ లో చోటు చేసుకుంది. భార్య మృతికి కారణం అయిన భర్తను పోలీసులు అరెస్ట్ చేశారు. వలరామతి (19) ని వెంబరపట్టికి చెందిన పాండ్యన్ ఏనిమిదినెలల క్రితం వివాహం చేసుకున్నాడు. ప్రస్తుతం వలరామతి గర్భంతో ఉంది. భార్యాభర్తలిద్దరూ ప్రభుత్వ బస్సులో దిండిగల్ నుంచి పొన్నమరావతి వెళ్తున్నారు. అప్పటికే పాండ్యన్ మద్యం మత్తులో ఉన్నాడు. బస్సులోనే భార్యాభర్తల మధ్య వాగ్వాదం జరిగింది. గనవాయిపట్టి సమీపంలోకి రాగానే వెనుక మెట్లపై కూర్చున్న పాండియన్ భార్యను కాలితో తన్నాడు. వలరామతి కిందపడిపోయి అక్కడిక్కడే మృతి చెందింది.

పాండ్యన్ బస్సు ముందుకు వెళ్లి డ్రైవర్ తో నా భార్యను కిందకు తోశాను.. బస్సు ఆపు అన్నాడు. దీంతో డ్రైవర్ ఒక్కసారే షాక్ తిన్నాడు. వెంటనే బస్సును చానార్‌పట్టి పోలీసులకు సమాచారం అందించాడు. సమాచారం అందుకున్న పోలీసులు సంఘటనా స్థలానికి చేరుకుని వలరామతి మృతదేహాన్ని స్వాధీనం చేసుకుని పోస్టుమార్టం నిమిత్తం దిండిగల్ ప్రభుత్వాసుపత్రికి తరలించారు. ఈ ఘటనపై కేసు నమోదు చేసుకున్న పోలీసులు పాండియన్‌ను అదుపులోకి తీసుకుని విచారిస్తున్నారు. ప్రేమించిన భార్యను భర్త బస్సులోంచి హత్య చేసిన ఘటన ఆ ప్రాంతంలో కలకలం రేపింది.