ఐపీఎల్-2024లో కేకేఆర్ను సక్సెస్ఫుల్గా నడిపిస్తూ వచ్చాడు శ్రేయస్ అయ్యర్. బ్యాటర్గా కంటే కెప్టెన్గా జట్టు విజయాల్లో కీలక పాత్ర పోషించాడు. అలాంటోడు ఎస్ఆర్హెచ్తో ఫైనల్ ఫైట్కు ముందు కొత్త అవతారం ఎత్తాడు. దీన్ని చూసిన ఫ్యాన్స్.. ఆరెంజ్ ఆర్మీని ఆపేందుకు ఇది సరిపోద్దా అని ప్రశ్నిస్తున్నారు.
ఐపీఎల్-2024లో కేకేఆర్ను సక్సెస్ఫుల్గా నడిపిస్తూ వచ్చాడు శ్రేయస్ అయ్యర్. బ్యాటర్గా కంటే కెప్టెన్గా జట్టు విజయాల్లో కీలక పాత్ర పోషించాడు. అలాంటోడు ఎస్ఆర్హెచ్తో ఫైనల్ ఫైట్కు ముందు కొత్త అవతారం ఎత్తాడు. దీన్ని చూసిన ఫ్యాన్స్.. ఆరెంజ్ ఆర్మీని ఆపేందుకు ఇది సరిపోద్దా అని ప్రశ్నిస్తున్నారు.
నెలన్నర నుంచి క్రికెట్ లవర్స్ను ఎంతగానో అలరిస్తూ వస్తోంది ఇండియన్ ప్రీమియర్ లీగ్. నిండు వేసవిలో సీట్ ఎడ్జ్ థ్రిల్లర్స్తో మరింత హీట్ పుట్టించింది క్యాష్ రిచ్ లీగ్. ఈ సీజన్లో చాలా మటుకు మ్యాచ్లు ఆఖరి ఓవర్ వరకు వెళ్తూ ఆడియెన్స్కు మస్తు వినోదాన్ని పంచాయి. ఇప్పుడు మెగా లీగ్ చివరి దశకు చేరుకుంది. రేపు జరిగే ఫైనల్ మ్యాచ్తో ఈ సీజన్కు తెరపడనుంది. గ్రూప్ దశలో వరుస విజయాలతో టాప్లో నిలిచిన కోల్కతా నైట్ రైడర్స్, సన్రైజర్స్ హైదరాబాద్ తుదిపోరుకు అర్హత సాధించాయి. ఈ హేమాహేమీల మధ్య ఫైనల్ ఫైట్ చూసేందుకు అభిమానులు ఎంతో ఆతృతగా ఎదురు చూస్తున్నారు. ఈ టీమ్స్ ఫైనల్ చేరతాయని టోర్నీ ఆరంభానికి ముందు ఎవరూ ఊహించలేదు.
గత కొన్ని సీజన్లుగా సన్రైజర్స్, కేకేఆర్ చెత్త ప్రదర్శనతో ఫ్యాన్స్ను నిరుత్సాహపరిచాయి. దీంతో ఈ సీజన్ ముందు వీటిపై ఎవరికీ ఎక్స్పెక్టేషన్స్ లేవు. అయితే ఎవరి అంచనాలకు అందుకుండా దూకుడైన ఆటతీరుతో ఫైనల్కు చేరుకున్నాయీ జట్లు. తుదిపోరులో గెలిచి కప్పును సొంతం చేసుకోవాలని తహతహలాడుతున్నాయి. ఎవరి వ్యూహాల్లో వాళ్లు బిజీబిజీగా మారారు. ఈ తరుణంలో కోల్కతా కెప్టెన్ శ్రేయస్ అయ్యర్ కొత్త అవతారం ఎత్తాడు. ఎప్పుడూ బ్యాట్తో మెరిసే అయ్యర్.. ఈసారి బంతిని చేతపట్టి రంగంలోకి దిగాడు. ప్రాక్టీస్ సెషన్స్లో భాగంగా బౌలర్గా దర్శనమిచ్చాడు అయ్యర్. జట్టు సీనియర్ ఆల్రౌండర్ సునీల్ నరైన్ను అతడు ఇమిటేడ్ చేశాడు. అచ్చం అతడిలాగే బౌలింగ్ చేశాడు.
నరైన్ను దింపేశాడు అయ్యర్. అతడి లాంటి బౌలింగ్ స్టైల్, సేమ్ ఫేషియల్ ఎక్స్ప్రెషన్స్తో నవ్వులు పూయించాడు. ఇది చూసిన నెటిజన్స్ నరైన్ను పర్ఫెక్ట్గా ఇమిటేట్ చేశాడని అంటున్నారు. అయితే మరికొందరు మాత్రం ఇది సరదాగా అనిపించడం లేదని, ఇందులో గట్టి ప్లానే దాగి ఉందని అంటున్నారు. అయ్యర్ స్పిన్ ప్రాక్టీస్ చేస్తున్నాడని.. ఫైనల్లో ఎస్ఆర్హెచ్ను ఆపేందుకు కొత్త ఎత్తుగడ అని అనుమానిస్తున్నారు. అయితే వరుణ్ చక్రవర్తి, నరైన్ లాంటి వాళ్లు ఉండగా అయ్యర్ ఎందుకు బౌలింగ్ చేస్తాడని మరికొందరు కామెంట్స్ చేస్తున్నారు. ఏదైమైనా ఒక్క వీడియోతో వైరల్ అయిపోయాడు అయ్యర్. ఇక, ఈ సీజన్లో కెప్టెన్గా ఆకట్టుకున్న నరైన్.. బ్యాటర్గా ఫర్వాలేదనిపించాడు. 14 మ్యాచుల్లో 146 స్ట్రైక్ రేట్తో 345 పరుగులు చేశాడు. మరి.. అయ్యర్ ఇమిటేషన్ వీడియో మీకెలా అనిపించిందో కామెంట్ చేయండి.
