ఐపీఎల్-2024లో కేకేఆర్ను ఛాంపియన్గా నిలిపిన కెప్టెన్ శ్రేయస్ అయ్యర్ చరిత్ర సృష్టించాడు. ఏకంగా రోహిత్ శర్మ సరసన అతడు చోటు దక్కించుకున్నాడు.
ఐపీఎల్-2024లో కేకేఆర్ను ఛాంపియన్గా నిలిపిన కెప్టెన్ శ్రేయస్ అయ్యర్ చరిత్ర సృష్టించాడు. ఏకంగా రోహిత్ శర్మ సరసన అతడు చోటు దక్కించుకున్నాడు.
సంచలన ప్రదర్శనలతో ఫైనల్కు దూసుకొచ్చిన సన్రైజర్స్ హైదరాబాద్ ఈసారి కప్పు తమదేనని అభిమానులకు భరోసాను ఇచ్చింది. కోల్కతా నైట్ రైడర్స్ను చిత్తు చేసి టైటిల్ ఎగరేసుకోవడం పక్కా అని అంచనాలు పెంచేసింది. కానీ ఫైనల్ ఫైట్లో మాత్రం తేలిపోయింది. చెన్నైలోని చెపాక్ వేదికగా ఆదివారం జరిగిన ఐపీఎల్-2024 తుదిపోరులో కేకేఆర్ గెలిచింది. సన్రైజర్స్ను 8 వికెట్ల తేడాతో మట్టికరిపించిన అయ్యర్ సేన.. నయా ఛాంపియన్గా అవతరించింది. మిచెల్ స్టార్క్ (2/14), హర్షిత్ రాణా (2/24), ఆండ్రీ రస్సెల్ (3/19) సూపర్బ్ బౌలింగ్కు తలవంచిన ఆరెంజ్ ఆర్మీ.. 18.3 ఓవర్లలో 113 స్కోరుకే కుప్పకూలింది. కెప్టెన్ ప్యాట్ కమిన్స్ (24 పరుగులు) టాప్ స్కోరర్గా నిలిచాడంటేనే మన టీమ్ బ్యాటింగ్ ఎలా సాగిందో అర్థం చేసుకోవచ్చు. ఆ తర్వాత వెంకీ అయ్యర్ (52 నాటౌట్), రెహ్మానుల్లా గుర్బాజ్ (39) చెలరేగి కేకేఆర్ను విజయతీరాలకు చేర్చారు.
అద్భుతమైన బౌలింగ్తో సన్రైజర్స్ వెన్ను విరిచిన మిచెల్ స్టార్క్ ప్లేయర్ ఆఫ్ ది మ్యాచ్గా ఎంపికయ్యాడు. సీజన్ మొత్తం అటు బ్యాటింగ్, ఇటు బౌలింగ్లో రఫ్ఫాడించిన స్పిన్ ఆల్రౌండర్ సునీల్ నరైన్ ప్లేయర్ ఆఫ్ ది టోర్నీగా నిలిచాడు. ఫైనల్ మ్యాచ్ విక్టరీతో కేకేఆర్ కెప్టెన్ శ్రేయస్ అయ్యర్ చరిత్ర సృష్టించాడు. పదేళ్ల తర్వాత టీమ్కు కప్ అందించిన అయ్యర్.. ఓ అరుదైన రికార్డును తన ఖాతాలో వేసుకున్నాడు. ఎమర్జింగ్ ప్లేయర్ ఆఫ్ ది ఇయర్ అవార్డును అందుకోవడంతో పాటు కెప్టెన్గా ఐపీఎల్ కప్పును అందుకున్న రెండో ఆటగాడిగా నిలిచాడు అయ్యర్. ఇన్నేళ్ల ఐపీఎల్ హిస్టరీలో రోహిత్ శర్మ తర్వాత ఈ ఫీట్ను నమోదు చేసిన రెండో ప్లేయర్గా నిలిచాడు కేకేఆర్ సారథి. 2015లో ఢిల్లీ క్యాపిటల్స్ తరఫున ఆడుతూ ఎమర్జింగ్ ప్లేయర్ పురస్కారాన్ని అందుకున్నాడు అయ్యర్.
2015లో ఎమర్జింగ్ ప్లేయర్ పురస్కారాన్ని అందుకున్న అయ్యర్.. ఇప్పుడు కెప్టెన్గా కేకేఆర్ను ఛాంపియన్గా నిలిపి అరుదైన ఘనత సాధించాడు. రోహిత్ తర్వాత ఎమర్జింగ్ అవార్డు అందుకోవడంతో పాటు సారథిగా జట్టుకు కప్పు అందించిన రెండో ఆటగాడిగా నిలిచాడు. ఇక, ఐపీఎల్-2009లో డెక్కన్ ఛార్జర్స్ తరఫున అద్భుతంగా ఆడి ఎమర్జింగ్ ప్లేయర్ పురస్కారాన్ని సొంతం చేసుకున్నాడు హిట్మ్యాన్. ఆ తర్వాత ముంబై ఇండియన్స్కు మారాడు. ఆ టీమ్ సారథ్య బాధ్యతలు చేపట్టి ఏకంగా 5 కప్పులు అందించాడు. ఈ సీజన్కు ముందు ముంబై కెప్టెన్సీ నుంచి రోహిత్ను తీసేసిన సంగతి తెలిసిందే. హార్దిక్ పాండ్యా సారథ్యంలో ఆడిన ముంబై 14 మ్యాచుల్లో పదింటిలో ఓడి పాయింట్స్ టేబుల్లో ఆఖరి స్థానంలో నిలిచింది. మరి.. రోహిత్ సరసన అయ్యర్ చేరడంపై మీ అభిప్రాయాలను కామెంట్ చేయండి.
Captains winning the IPL and a player Emerging Player Of The Year award:
– Rohit Sharma.
– Shreyas Iyer. pic.twitter.com/hQ9J6hVU4v
— Mufaddal Vohra (@mufaddal_vohra) May 26, 2024
