West Bengal, Ration At Doorstep – జగన్ స్ఫూర్తితో బెంగాల్‌లో ఇంటింటికీ రేషన్, ఇప్పుడేమంటాయో ఏపీ విపక్షాలు

ఇంటింటికీ రేషన్ పంపిణీ కోసం జగన్ చేసిన ప్రయత్నాలను ఏపీలో కొందరు వ్యతిరేకించారు. విమర్శలు కూడా చేశారు. కానీ దేశమంతా జగన్ పథకాన్ని ఆదర్శంగా తీసుకుంటున్నట్టు కనిపిస్తోంది. అనేక పథకాలు జగన్ ప్రారంభించిన తర్వాత ఇతర రాష్ట్రాలు ఆచరించడం ఆనవాయితీగా వస్తోంది. అందులో భాగంగా ఇప్పుడు ఇంటింటికీ రేషన్ పంపిణీని పశ్చిమ బెంగాల్ స్వీకరిస్తోంది.త్వరలో ఆ పథకం ప్రారంభించబోతున్నట్టు బెంగాల్ సీఎం మమతా బెనర్జీ ప్రకటించారు.

ఇప్పటికే రైతు భరోసా కేంద్రాలను కేరళ అనుసరిస్తోంది. దిశ చట్టం గురించి మహారాష్ట్ర అధ్యయనం చేసింది. గ్రామ సచివాలయ వ్యవస్థను తెలంగాణా పరిశీలించింది. తమిళనాడు, కర్ణాటక, హిమాచల్ ప్రదేశ్ సహా వివిధ రాష్ట్రాల నుంచి ప్రభుత్వ బృందాలు వచ్చి పరిశీలిస్తూ వాటిని అనుసరించే ప్రయత్నాలు చేస్తూనే ఉన్నాయి.ఇప్పటికే పలు స్కీములను అమలుచేసేందుకు ప్రయత్నాలు కూడా మొదలుపెట్టాయి.అందులో భాగంగా తాజాగా ఇంటింటికీ రేషన్ పథకం పశ్చిమ బెంగాల్‌లో ప్రారంభించబోతుండడం విశేషంగా కనిపిస్తోంది. రాష్ట్రంలోని 10 కోట్ల మంది లబ్దిదారులకు ఇది మేలు చేస్తుందని సీఎం మమతా బెనర్జీ పేర్కొన్నారు. త్వరలోనే దానిని ప్రారంభించి ఇంటి వద్దే రేషన్ అందించబోతున్నట్టు తెలిపారు.

వివిధ రాష్ట్రాల నేతలు జగన్ పాలనను అనుసరిస్తుంటే ఏపీలో మాత్రం విపక్షాల వ్యాఖ్యలు విడ్డూరంగా ఉంటున్నాయి. గ్రామీణ ఆంధ్రప్రదేశ్‌లో పాలనాపరంగా పలు మార్పులకు శ్రీకారం చుట్టిన పథకాలను చివరకు చంద్రబాబు తానే ఆలోచించినట్టుగా ఇప్పటికే ప్రకటించాల్సి వచ్చింది. తానే గతంలో గ్రామ సచివాలయాల గురించి ఆలోచించానని ఆయన ప్రకటించారు. అదే విధంగా ఆయన తనయుడు లోకేష్ కూడా ఇదే రీతిలో జగన్ పథకాలను తమ ఘనతగా చెప్పుకోవడానికి ప్రయత్నించారు. నాడు-నేడు కూడా తాము చేసిందేనని చెప్పుకోవడానికి సాహసించారు. కానీ ఇంటింటికీ రేషన్ వెహికల్స్ విషయంలో మాత్రం విమర్శలు చేయడం విడ్డూరంగా ఉంది.

జగన్ ముఖ్యమంత్రిగా బాధ్యతలు స్వీకరించిన నాడే దేశమంతా ఏపీ వైపు చూసేలా చేస్తానని ప్రకటించారు. దానికి అనుగుణంగానే ప్రస్తుతం పరిణామాలున్నట్టు కనిపిస్తోంది.చివరకు మూడు రాజధానులుగా ఏపీ ప్రభుత్వం ఆలోచిస్తే నాలుగు రాజధానులుండాలని గతంలో జార్ఖండ్ వంటి ప్రభుత్వాలు ప్రతిపాదించడం ఆసక్తికరం. ఏమైనా జగన్ పథకాలను దేశమంతా అనుసరించే పరిస్థితి విశేషంగానే భావించాలి.

Also Read : Three Capitals, High Court – మూడు రాజధానులు.. మళ్లీ చర్చలోకి.. ఏం జరగబోతోంది..?

21946