Follow us on:
ఉగ్రవాదాన్ని ఉక్కుపాదంతో అణిచివేయాలని ఆంధ్రప్రదేశ్ హోమ్ మంత్రి సుచరిత పిలుపునిచ్చారు. మంగళగిరి ఏపీఎస్పీ 6వ బెటాలియన్‌లో.. 2018 బ్యాచ్‌ డీఎస్పీల పాసింగ్‌ అవుట్‌ పరేడ్‌ నేడు బుధవారం జరిగింది. ఈ కార్యక్రమానికి హోంమంత్రి సుచరిత, డీజీపీ గౌతమ్‌సవాంగ్‌ ముఖ్య అతిథులుగా హాజరయ్యారు. ఈ సందర్భంగాసుచరిత మాట్లాడుతూ.. గ్రామీణాభివృద్ధిలో పోలీసులు కీలకపాత్ర పోషించాలన్నారు. త్యాగం, సేవకు పోలీసులు నిదర్శనమని కొనియాడారు.
డీజీపీ మాట్లాడుతూ.. సవాళ్లను ఎదుర్కొనేందుకు డీఎస్పీలు సిద్ధంగా ఉండాలన్నారు. సైబర్‌, చిట్‌ఫండ్‌, వైట్‌కాలర్‌ నేరాలపై దృష్టిపెట్టాలని సూచించారు. వెనుకబడిన వర్గాలకు న్యాయం చేయడమే మన బాధ్యత అని గౌతమ్ సవాంగ్ సూచించారు. మహిళలపై దాడుల్ని సమర్థవంతంగా తిప్పికొట్టాలని పిలుపునిచ్చారు.
