క్వాలిఫయర్-1లో ఓడిన సన్రైజర్స్ హైదరాబాద్.. రాజస్థాన్ రాయల్స్తో చావోరేవో తేల్చుకునేందుకు సిద్ధమవుతోంది. ఈ రెండు టీమ్స్ మధ్య చెన్నై వేదికగా రేపు క్వాలిఫయర్-2 జరగనుంది. ఇందులో గెలిచిన టీమ్ ఫైనల్ చేరుకుంటుంది.
క్వాలిఫయర్-1లో ఓడిన సన్రైజర్స్ హైదరాబాద్.. రాజస్థాన్ రాయల్స్తో చావోరేవో తేల్చుకునేందుకు సిద్ధమవుతోంది. ఈ రెండు టీమ్స్ మధ్య చెన్నై వేదికగా రేపు క్వాలిఫయర్-2 జరగనుంది. ఇందులో గెలిచిన టీమ్ ఫైనల్ చేరుకుంటుంది.
గ్రూప్ స్టేజ్లో అదరగొట్టిన సన్రైజర్స్ హైదరాబాద్ ప్లేఆఫ్స్లోనూ దుమ్మురేపుతుందని అంతా అనుకున్నారు. టీమ్ నిండా పించ్ హిట్టర్లు ఉండటం, బౌలింగ్ దళం కూడా బలంగా ఉండటంతో జట్టుకు తిరుగుండదని భావించారు. ఫైనల్కు చేరుకోవడం ఆరెంజ్ ఆర్మీకి నల్లేరు మీద నడకేనని అనుకున్నారు. కానీ అనుకున్నది ఒకటి.. అయినది ఒక్కటి. టోర్నీ ఆసాంతం అటాకింగ్ బ్యాటింగ్తో విధ్వంసం సృష్టించిన ఎస్ఆర్హెచ్.. క్వాలిఫయర్-1లో కోల్కతా నైట్ రైడర్స్ మీద మాత్రం చేతులెత్తేసింది. బ్యాటింగ్ ఫెయిల్యూర్ వల్ల ఓడిన సన్రైజర్స్ హైదరాబాద్.. ఫైనల్లో చోటు కోసం క్వాలిఫయర్-2 ఆడేందుకు సిద్ధమవుతోంది. రాజస్థాన్ రాయల్స్తో రేపు జరగనున్న పోరులో చావోరేవో తేల్చుకునేందుకు రెడీ అవుతోంది.
సన్రైజర్స్-రాజస్థాన్ మధ్య చెన్నైలోని చెపాక్ స్టేడియం వేదికగా రేపు క్వాలిఫయర్-2 మ్యాచ్ జరగనుంది. ఇందులో గెలిచిన టీమ్ ఫైనల్ చేరుకుంటుంది. ఈ పోరులో ఓడిన టీమ్ ఇంటిదారి పడుతుంది. అందుకే ఈ డూ ఆర్ డై ఫైట్లో ఎలాగైనా గెలవాలని అనుకుంటోంది ఆరెంజ్ ఆర్మీ. గత మ్యాచ్లో జరిగిన తప్పులను సరిదిద్దుకొని అదరగొట్టాలని చూస్తోంది. ఎలాంటి మిస్టేక్స్కు తావివ్వకుండా రాజస్థాన్ పని పట్టాలని అనుకుంటోంది. ఈ తరుణంలో ఎస్ఆర్హెచ్ అభిమానులను ఓ ప్రశ్న తొలచి వేస్తోంది. ఇన్నాళ్లూ ఆడకుండా దాచిన ఆ రాక్షసుడ్ని ఈ మ్యాచ్లోనైనా బరిలోకి దింపుతారా? అని ఫ్యాన్స్ ఆలోచనల్లో మునిగిపోయారు. ఆ మాన్స్టర్ మరెవరో కాదు.. స్పిన్ ఆల్రౌండర్ గ్లెన్ ఫిలిప్స్.
పించ్ హిట్టింగ్, క్వాలిటీ స్పిన్ బౌలింగ్, అద్భుతమైన ఫీల్డింగ్కు కేరాఫ్ అడ్రస్ ఫిలిప్స్. అతడు గ్రౌండ్లో ఉన్నాడంటేనే ప్రత్యర్థులు వణికిపోతారు. బ్యాటింగ్కు దిగితే ఫస్ట్ బాల్ నుంచే హిట్టింగ్ చేయడం అతడికి అలవాటైన సంప్రదాయం. బాల్ చేతబడితే ఆఫ్ స్పిన్తో బ్యాటర్ల ఆటకట్టించడం వెన్నతో పెట్టిన విద్య. ఫీల్డింగ్లోనూ పాదరసంలా కదులుతూ పరుగుల్ని కాపాడటమే గాక కఠినమైన క్యాచుల్ని కూడా అలవోకగా పట్టేస్తాడు. అలాంటోడ్ని మొన్న కేకేఆర్ మీద ఆడించాల్సింది. కానీ కమిన్స్ ఆసక్తి చూపించలేదు. కానీ రేపు రాజస్థాన్తో చావోరేవో పోరాటం. బ్యాటర్గా విలువైన రన్స్ చేస్తూ, ఆఫ్ స్పిన్తో వికెట్లు కూడా పడగొట్టే ఫిలిప్స్ను ట్రంప్కార్డ్గా వాడుకోవచ్చు. ఈ రాక్షసుడు టీమ్లో ఉంటే అవతలి జట్లు వణుకుతాయి. మరి.. ఫిలిప్స్ విషయంలో కమిన్స్ ఏం చేస్తాడో చూడాలి.
